Asilegee Moyowe Lyrics | Sauti za Kuimba

Asilegee Moyowe Lyrics

ASILEGEE MOYOWE

@ (traditional)

  1. Asilegee moyowe, asitokwe machozi
    Akimkumbuka Munguwe, kwa yake makombozi
    Mtoa roho msalabani, mtaka kufa mwenyewe
    Kwa sababu kumpendani, nani mfunga moyowe.
  2. Bustani mle Getsemani, amwomba Mungu Baba
    Je mtu Mungu ana nini, nguvu zake ni haba
    Rabbi wangu waziona, dhambi za binadamu
    Mwili wako umetona, kama jasho la damu.
  3. Salamu Rabi salamu, anena Yuda mbaya
    Mwenye moyo wake mgumu, ambusu pasi haya
    Aliwaambia “basi, ntakayembusu ndiye
    Mtwaeni na kwa upesi”, Yuda nani nisiye.
  4. Yuda nani ila yeye, aliyetenda dhambi
    Akikosa kwa Munguwe, mtenda kwa hia na dhambi
    Mwenye kumtendea mema, mtaka dhambi haoni
    Kwamba ni kutupa neema, kumwendea shetani
  5. Wote ni kupiga mbio, mitumewe pamoja
    Wamtia mikono yao, askari walokuja
    Wampeleka hukumuni, aamuliwe na mtu
    Ye kutoka uwinguni, Mwanzi mkuu wa watu
  6. Mtume Petri amkanusha, amenena “simjui”
    Uhodari umekwisha, machoye hainui
    Pilato amwona Rabbi, hakukosa ‘ta neno
    Asema “sioni dhambi”, lakini ni mwoga mno.
  7. Athubutu kumwachia, “si hukumu” aomba
    “Mmoja nitamfungulia, Yesu au Baraba
    Wayahudi mwamtakani”, “Baraba aachwe tu
    Yesu afe msalabani, damuye juu yetu”
  8. Pilato “hukumu gani? simo nanawa mkono
    Mkimtaka Yesu mwueni”, la mwamzi hilo neno
    Mara askari wamwanza, ni kupiga kelele
    Kumcheka na kumchokoza, mwenye mema milele.
Asilegee Moyowe
ALT TITLEAsiregee Moyowe
COMPOSER(traditional)
CHOIRSt. Joseph Cathedral Dar-es-Salaam
CATEGORYKwaresma na Toba (Lent & Repentance)
MUSIC KEYG Minor
TIME SIGNATURE3
4
NOTES Open PDF


Asiregee Moyowe is a traditional piece.
The piece has been harmonized and arranged by various composers, the most common piece being John Mgandu's harmony (1986) based on a French traditional melody, “Jésus-Christ monte qu Calvaire”.
The song has been recorded by several choirs among them St. Patrick Morogoro, St. Augustine Mavurunza Dsm




  • Comments