Ee Bwana Wangu Lyrics

EE BWANA WANGU

@ Marcus Mtinga

Ee Bwana wangu na muumba wangu,
Wema wako wanitia nguvu kuongea nawe
Ee Mungu wangu u tumaini langu,
Wewe ni mlinzi mwaminifu wa maisha yangu
Ninajua wazi ya kwamba, unanipenda upeo Bwana
Wewe ni mwali mwangavu wa roho yangu
Ndiwe tegemeo pekee, ni kimbilio langu, Bwana,
Chanzo cha uzima wangu, na ngome yangu

  1. Kama sio wewe Bwana kukaa pamoja nami,
    Wanadamu waliponishambulia wangenimaliza
    Ulikuwa ngao yangu, Mwokozi wa roho yangu
    Sina budi kusema asante naomba usiniache
  2. Nilipokuita Bwana uliitika mapema
    Katika taabu zangu zote ulituma jeshi lako
    Umenifanya imara imani sikuitupa
    Na leo tazama niko hapa kutaja uwezo wako
  3. Ni kweli naona wazi huruma uliyo nayo
    Umenisamehe dhambi zangu ingawa ni chafu sana
    Umenitoa shimoni umenifuta machozi
    Naomba unipake mafuta nieneze sifa zako
  4. Nitakupa nini Bwana kama shukrani zako,
    Kwa ukarimu uliotenda, katika maisha yangu
    Umeniokoa Bwana, minyororo imekatwa
    Naomba usinitupe Bwana, shetani ananiwinda
Ee Bwana Wangu
COMPOSERMarcus Mtinga
CHOIRMaria Mt Mama wa Mungu Musoma
CATEGORYThanksgiving / Shukrani
MUSIC KEYG Major
TIME SIGNATURE4
4
NOTES Open PDF


Also recorded by St. Paul's Students Choir, University of Nairobi




  • Comments