Kidole Juu Lyrics

KIDOLE JUU

@ Bernard Mukasa

    //utangulizi//

      Hayo mliyofunuliwa, bila kuyalipia kitu,
      Nayo ndiyo yale mliyotumwa,
      Kwenda kwa walio wadogo
      Mungu alowatunukia awe mkuu peke yake
      (Jiulize) nani kwenu (aliyeomba) kuzaliwa!
      (Jiulize tena) nani kwenu (anayejua) siku ya kufa!
      Hakuna! Hakuna! ha!

Hakuna jambo mnalomiliki hapa duniani
Yote mliyo nayo yana mwenyewe mnamjua
Naye amewapa haya kusudi mtumikiane
Ili kusiwepo na matabaka miongoni mwenu
Hiyo ndiyo hekima - ee aa ee
Hiyo ndiyo hekima -
Ndugu hiyo ndiyo hekima ya kweli } *2

  1. Kama mliyo nayo yote yangekuwa yenu
    Hiyo pumzi mnayojivunia wapendwa,
    Isingekuwa inakiogopa kichomi
    Ingeendele-a hata palipo kichomi!
  2. Uzuri wa sura zenu zenye ngozi laini
    Inakuwaje hamuwezi kuuelekeza,
    Usiungue hata kwenye maji ya moto
    Na usioze unapolala kaburini!
  3. Elimu na vyeo vyenu na mamlaka yenu
    Akili nyingi ufundi navyo vipaji vyenu,
    Mbona hamvitumii nyi mkiwa usingizini
    Na mnaota ndoto sawa na za watoto!


      //hitimisho//

      Basi mimi, ninahimizwa, kujiepusha, kujiinua
      Nijishushe, mbele ya wote,
      Wawe wakubwa, au wadogo
      Nisijiinue kati ya watu hata siku moja,
      Badala yake nijinyenyekeze ili nifikike,

      Akihitajika atakayewatumikia watu
      Niinue kidole juu kusudi wanitume mimi, daima
      Kidole juu kusudi wanitume mimi
      Kidole juu, kuitikia wito daima
      Kidole juu, kusudi wanitume mimi
      Na nikitumwa niwe mwaminifu daima
      Kidole juu, kusudi wanitume mimi
      Kidole juu wanitume na Mungu atukuzwe daima
      Kidole juu, kusudi wanitume mimi

      Kidole juu, kidole juu, leo
      Kidole juu, kusudi wanitume mimi
      Kidole juu, kidole juu, daima
      Kidole juu, kusudi wanitumie mimi, milele!
Kidole Juu
COMPOSERBernard Mukasa
CHOIRKwaya Kuu ya St. Cecilia Arusha
ALBUMKidole Juu (Vol 23)
CATEGORYGeneral
MUSIC KEYE Major
TIME SIGNATURE6
16
SOURCESt. Theresa Cathedral Arusha Tanzania
NOTES Open PDF


Second version of this song is Nitumwe Mimi, that replaces the words 'Kidole Juu kusudi wanitume mimi' with 'nijitokeze kusudi wanitume mimi'
And alters the title to 'Nitumwe Mimi'




  • Comments