Kilio cha Mjane Lyrics

KILIO CHA MJANE

@ E. A. Minja

  • Ni nani wa kuwasaidia na kuwajali wajane
    Ni sisi tuliowapenda walipokuwa na waume zao
    Ni nani wa kuwasaidia na kuwajali wajane
    Ni sisi tuliowapenda na sasa tunawadhulumu hao

  • {Tazama leo ni sisi wenyewe chanzo cha huzuni kwao
    Tazama leo ni sisi wenyewe chanzo cha machozi yao } *2
    { Ni nani atakayekisikiliza kilio cha mjane
    Ni nani atakayekijali kilio cha mjane } *2
  • Mlishirikiana nao vizuri walipoifunga ndoa yao
    Tazama bibi harusi walimkaribisha kwa nderemo
    Nderemo nderemo tushangilie kaka yetu leo kapata jiko
    Karibu karibu wifi karibu karibu hapa ni kwako
  • Maisha mazuri maisha magumu ilikuwa ni siri ya wawili
    Maisha kufanikiwa hiyo ni siri ya baba na mama
    Maisha ya ndoa yakitenguka baba mwenye nyumba akitutoka
    Hatamu tunaishika kuchukua mali za marehemu
    Wewe utachukua gari lile, mashamba yake mimi nitayatunza
    Na nyumba ya marehemu ataisimamia kaka yetu
    Mama na watoto tunafukuzwa thamani ya utu wetu haipo
  • Wengine wanachukua watoto wa marehemu wakawasomeshe
    Na kumbe ni hila tupu wanafanyizwa kazi ngumu ngumu
    Kupika na kudeki kazi yao kufua nguo hata na kupasi
    Huruma itakujia ukiwaona wanavyotetesha
    Ndugu yangu leo ninakuomba mimi nawe sasa tubadilike
    Na tuwe kitu kimoja mfano wa kuigwa na jamii
    Tuonyeshe na kudhamini haki za wajane hata na kuwajali
    Watoto tuwajengee misingi bora ya baadaye
Kilio cha Mjane
COMPOSERE. A. Minja
CHOIRSt. Cecilia Mirerani
ALBUMMchanganyo
CATEGORYFamilia




  • Comments