Ninaikumbuka Siku Lyrics | Sauti za Kuimba

Ninaikumbuka Siku Lyrics

NINAIKUMBUKA SIKU

@ E. A. Minja

Ninaikumbuka siku ile niliyokuita Bwana wangu
Ukaniponya na kuniepusha na hatari mbaya ya kifo
Mwili wangu uliopatwa na majeraha makubwa
Yenye maumivu makali na ya kutisha
Na ya kukatisha tamaa

{
/b/
Nitamke maneno gani, niimbe wimbo gani mimi
Nicheze ala gani au niipige ngoma gani
Kama asante na shukrani yangu Bwana
Na nitoe sadaka gani, iwe kama shukrani yangu
Nikikumbuka wema wako, nisifuje Bwana wangu
Wewe ni mwenye huruma na upendo

/w/
Maneno gani mimi nitamke, na wimbo gani niimbe
Mimi nipige ngoma gani
kama asante na shukrani yangu Bwana
Sadaka nikutolee ee Bwana,
ni kama shukrani yangu, nikusifuje Bwana wangu,
Wewe ni mwenye huruma na upendo } * 2

  1. Ninakumbuka siku ile mimi niliposhindwa
    Na maumivu ya majeraha ya kichwa niliyoyapata
    Maumivu makali mimi yalinibana sana
    Hata mwili ulikosa nguvu na fahamu kunipotea
    (Mimi ) mimi Bwana (niseme) niseme asante
    Kukushukuru ee Mungu wangu
    (Mimi) mimi Bwana (nisipo) nisipotamka nitakuwa sina fadhila
  2. Ninakumbuka siku ile mikono yangu mimi
    Ilipopatwa na maumivu yaliyotokana na ajali
    Mikono yangu mimi ilitokwa na damu nyingi
    Hata na mifupa yangu iliyovunjika na kutokeza
    (Mimi ) mimi Bwana (niseme) niseme asante
    Kukushukuru ee Mungu wangu
    (Mimi) mimi Bwana (nisipo) nisipotamka nitakuwa sina fadhila
  3. Nilipopata fahamu nikajaribu kusimama
    Mwili ulikosa nguvu kwa maumivu tena makali
    Miguu yangu inatokwa damu nyingi na kunitisha
    Hata na mifupa yangu iliyovunjika na kutokeza. . .
    (Mimi ) mimi Bwana (niseme) niseme asante
    Kukushukuru ee Mungu wangu
    (Mimi) mimi Bwana (nisipo) nisipotamka nitakuwa sina fadhila
  4. Usingizi mzito ulinibeba na kunifanya
    Niyasahau maumivu yangu yote niliyo nayo
    Maumivu makali tena ya ndani yalinibana
    Hata kuhema siwezi kugeuka hadi nisaidiwe . . .
    (Mimi ) mimi Bwana (niseme) niseme asante
    Kukushukuru ee Mungu wangu
    (Mimi) mimi Bwana (nisipo) nisipotamka nitakuwa sina fadhila
  5. Hebu jiulize ndugu ni wangapi wanaopata haya
    Hata uhai wao hutoweka na usirudi
    Jitafakari ndugu wewe uzima uliojaliwa
    Hata asante kwake Muumba tazama umemsahau, .
    (Mimi ) mimi Bwana (niseme) niseme asante
    Kukushukuru ee Mungu wangu
    (Mimi) mimi Bwana (nisipo) nisipotamka nitakuwa sina fadhila
Ninaikumbuka Siku
COMPOSERE. A. Minja
CHOIRSt. Cecilia Mirerani
ALBUMMchanganyo
CATEGORYTafakari




  • Comments