Wakupeleka Hukumuni Lyrics

WAKUPELEKA HUKUMUNI

@ P. F. Mwarabu

Wakupeleka hukumuni Yesu,
ili uamuliwe na mtu
Tendo gani umefanya Yesu,
hata wakutaka usulibiwe
Ulikuja kwangu, mi mdhambi
Ili uniokoe katika taabu zangu zote
Unipatanishe na Mungu Baba
Ili nifike kwake kwenye uzima wa milele

Kwa nini unateseka hivyo,
Bwana usiye na kosa lolote
Mimi ndiye mwenye kosa Yesu,
Nawe ndiwe wa kunihukumu
Msalaba mzito waubeba
Mijeredi kupigwa, taji la miiba kuvalishwa
Yote umekubali, juu yangu
Ili unikomboe, mimi mdhambi wa huzuni

{ Nimekosa mimi nimekosa
Unihurumie Mungu wangu } *2

  1. Mpumbavu amesema moyoni hakuna Mungu
    Wametenda uovu wa ufisadi na kuchukiza
    Toka mbinguni Mungu aliwachungulia wanadamu
    Aone kama yupo mtu mwenye akili amtafutaye Mungu
  2. Ee Mungu kwa jina lako uniokoe
    Na kwa uweza wako unifanyie hukumu,
    Ee Mungu uyasikie maombi yangu
    Uyasikilize maneno ya kinywa changu.
Wakupeleka Hukumuni
COMPOSERP. F. Mwarabu
CHOIRSt. Joseph Cathedral Dar-es-Salaam
CATEGORYKwaresma na Toba (Lent & Repentance)
MUSIC KEYA Major
TIME SIGNATURE6
8
SOURCEDar-es-Salaam
NOTES Open PDF




  • Comments