Misa Kariobangi Lyrics | Sauti za Kuimba

Misa Kariobangi Lyrics

MISA KARIOBANGI

@ Samuel Ochieng MakOkeyo

UTUHURUMIE (MISA KARIOBANGI)

  1. [ v ] Utuhurumie
    [ w ] Ee Bwana, ee Bwana, ee Bwana
    [ v ] Tuhurumie
    [ w ] Ee Bwana, ee Bwana, ee Bwana, Bwana utuhurumie
  2. Utuhurumie
    Ee Kristu, ee Kristu, ee Kristu
    Tuhurumie
    Ee Kristu, ee Kristu, ee Kristu, Kristu utuhurumie
  3. Utuhurumie – ee Bwana . . .

    UTUKUFU JUU (MISA KARIOBANGI)

    Utukufu juu kwa Mungu,
    Utukufu juu Mbinguni
    Na amani kote duniani,
    kwa wenye mapenzi mema

    1. Tunakusifu tunakuheshimu,
      Tunakuabudu tunakutukuza
      Twakushukuru kwa ajili,
      Ya utukufu wako mkuu
    2. Ewe Mungu ndiwe mfalme,
      Wa mbinguni Baba Mwenyezi
      Ewe Bwana Yesu Kristu,
      Wa pekee mwana wa baba
    3. Ewe Yesu Mwanakondoo,
      Wa Mungu mwana wa Baba
      Ewe mwenye kuziondoa,
      Dhambi zetu tuhurumie
    4. Ewe mwenye kuziondoa,
      Za dunia dhambi za watu
      Ewe mwenye rehema nyingi,
      Upokee maombi yetu
    5. Uketiye kuume kwake,
      Mungu Baba tuhurumie
      Kwa kuwa ndiwe uliye,
      Peke yako Mtakatifu
    6. Peke yako ni wewe Bwana,
      Peke yako Bwana Mungu
      Peke yako ni Mkombozi,
      Peke yako Yesu Kristu
    7. Naye Roho Mtakatifu,
      Katika utukufu wake
      Mungu mmoja anayeishi,
      Na kutawala milele yote

      NASADIKI KWA MUNGU (MISA KARIOBANGI)

      1. Nasadiki kwa Mungu mmoja - ninasadiki
        Ndiye Baba yetu mwenyezi -
        Mwumba mbingu pia dunia -
        Nasadiki kwa Yesu Kristu -

        Nasadiki nasadiki -ninasadiki
        Nasadiki nasadiki -ninasadiki

      2. Mwana wa pekee wa Mungu -
        Mwenye kuzaliwa kwa Baba -
        Akapata mwili kwa Roho -
        Kazaliwa naye Bikira -
      3. Kisha yeye kasulubiwa –
        Kwa amri ya Ponsio Pilato -
        Kwa ajili yetu kateswa -
        Akafa na akazikwa -
      4. Kafufuka katika wafu -
        Kapaa juu Mbinguni -
        Ameketi kuume kwake -
        Mungu Baba yetu Mwenyezi -
      5. Ndipo atakapotokea -
        Kuhukumu wazima na wafu -
        Kwake Roho Mtakatifu -
        Kwa kanisa la Katoliki -
      6. Ushirika wa watakatifu -
        Ondoleo la dhambi zetu -
        Nangojea ufufuko wa miili -
        Na uzima wa milele -

      MTAKATIFU (MISA KARIOBANGI)

      • Mtakatifu
        Mtakatifu Mtakatifu Bwana Mungu
        Wa majeshi
        Mbingu na dunia zimejaa ‘tukufu wako
      • Hosanna, Hosanna juu Mbinguni
        Hosanna, Hosanna juu Mbinguni
      • Mbarikiwa
        Anayekuja kwa jina lake Bwana Mungu

      FUMBO LA IMANI (MISA KARIOBANGI)

      • Kristu – alikufa, Kristu – alifufuka
        Kristu Yesu – alikufa, alifufuka, atakuja tena

        BABA YETU (MISA KARIOBANGI)

        Baba yetu uliye Mbinguni, Jina lako litukuzwe
        Ufalme wako ufike utakalo lifanyike

        1. Duniani kama Mbinguni -utakalo lifanyike
          Tupe leo mkate wetu -
          Mkate wetu wa kila siku -
        2. Tusamehe makosa yetu -
          Kama vile twawasamehe -
          Waliotukosea sisi -
        3. Situtie majaribuni -
          Walakini utuopoe -
          Maovuni utuopoe -
        4. Kwa kuwa ufalme ni wako –
          Na nguvu na utukufu -
          Utukufu hata milele -

          EE MWANAKONDOO (MISA KARIOBANGI)

          1. [ S ] Ee Mwanakondoo
            [ w ] Uondoaye dhambi za dunia utuhurumie } *2
          2. Ee Mwanakondo . . .
          3. Ee Mwanakondoo
            Uondoaye dhambi za dunia utujalie amani
          Misa Kariobangi
          COMPOSERSamuel Ochieng MakOkeyo
          CATEGORYMisa (Sung Mass)
          MUSIC KEYA Flat Major
          TIME SIGNATURE4
          4
          NOTES Open PDF


          Misa Kariobangi is one of the top widely sung masses in Kenya, known to almost every choir in Kenya.




          • Comments