Nikiziangalia Nchi Lyrics | Sauti za Kuimba

Nikiziangalia Nchi Lyrics

NIKIZIANGALIA NCHI

@ Bernard Mukasa

  1. Nimezitafakari habari za anga na maji
    Nikainua macho yangu, kuitazama nchi kavu
    Na miondoko ya viumbe wote waliomo
    Sauti zao na tamaduni zao

    Nikiziangalia nchi na pande zake zote
    Nikiitazama milima na mabonde yote
    Utukufu wako nakupa Mungu wangu
    Sifa na heshima
    Utukufu wako nakupa Mungu wangu
    Na enzi ni yako
    Utukufu wako nakupa Mungu wangu
    Daima milele
    Utukufu wako nakupa Mungu wangu

  2. Wanyama juu ya anga na ndege wote angani
    Samaki nao baharini na mimea ya ardhini
    Wote umetoa wewe uhai ukaanza
    Dunia yote ikawa furaha
  3. Ili kuondoa upweke ukaanzisha lugha
    Viumbe tuwasiliane tupate kukamilishana
    Upendo gani huu kwa tusioweza shukuru
    Ingawa tunafurahia kupendwa
  4. Unafahamu shida zetu na mahitaji yetu
    Mipango yetu ya maisha daima unainyoosha
    Ingawa macho yetu hayajawahi kukuona
    Lakini daima hautusahau
  5. Ningetamka moja moja sifa zako Mwenyezi
    Lakini ni nyingi sana na akili yangu inaganda
    Nabaki kutabasamu ninapokukumbuka
    Halafu ninaimba wimbo wa shangwe
Nikiziangalia Nchi
COMPOSERBernard Mukasa
CHOIRSt. Vincenti Palloti Makiungu Singida Tz
CATEGORYThanksgiving / Shukrani
MUSIC KEYE
TIME SIGNATURE2
4
NOTES Open PDF




  • Comments