Alleluia Tumuthaithe

Alleluia Tumuthaithe Yesu Klisto
E thayu nthini wa umbo wa mukate
Aleluya aleluya aleluya
Aleluya aleluya aleluya

Sakalamenti ino ni nene ya Mwiai
Ni liu wa thayu witu vate nzika
Ve mwii na nthakame yake Mwiai
Ukai inywonthe aklisto na mituki

Thengeeai mwose mwii utathela
Kwa kwosa mwii na nthakame ya Mwiai
Yesu mwene niwatwiaie atii
Yai mwii wakwa na nywai nthakame yakwa

Ni kana mwose thayu utathela
Yesu Klisto niwanengie atume
Ula utonyi wa kualyula mukate
Utw'ike mwii wake ki wa useny'o

Na nthini wa nthembo ntheu ila ya misa
Mukate na hostia utw'ikaa mwii
Na ndivai nthakame ya Mwiai
Yila tuuya mukate uu na kunywa

Kikombe kya nthakame ya Mwiai
Twonanasya kikw'u kyaku kya wovosyo
Nthemboni ya misa ntheu ya umunthi
twi muamba vamwe na Yesu mwovosya

Kumumisya Ngai Asa wiw'i na wendo
Nundu wa komunio ntheu ya Mwiai
Twiw'ie tei na utululumilye
Itinani utwose kwaku Ituni