Nakaza Mwendo

Siyo kwamba nimekwishafika
Au nimekwisha kamilika la! la!
{ Bali ninakaza mwendo ili nipate kulishika
Lile ambalo limeshikwa naye Kristu } *2

1. Ninaendelea mbele mimi, katika utumishi wangu
Nijalie nguvu Bwana wangu, niyashinde haya ya dunia

2. Nishike mkono Bwana wangu, shetani asinisumbue
Niongoze vyema Bwana wangu, niyashike majukumu yangu

3. Nitashinda mimi nitashinda, nitashinda kwa nguvu zako
Ninatarajia ushujaa, endapo wewe utaamua

4. Nitavikwa mimi nitavikwa, nitavikwa taji ya hadhi
Sio kwa nguvu zangu mwenyewe bali kwa nguvu za Mungu Baba

5. Aleluya nitaimba mimi, nitakapomaliza safari
Hayo ni matarajio yangu, mwisho wa hii safari yangu