Watakatifu wa Mbinguni
waimba nyimbo za shangwe
Na malaika wake Mungu
wanarukaruka kwa shangwe
Natamani kwenda mbinguni,
nikaimbe nyimbo za shangwe
Nijiunge na malaika,
nikaruke mbele za Mungu

1. Ewe mpenzi wa moyo, ewe mlinzi wa roho,
   Roho yangu mimi,
   Nakusihi sana ewe somo wangu, nishike mkono
   Niongoze vyema nikajiunge nawe
2. Ee malaika wa Mungu, shuka kutoka Mbinguni,
   Njoo kwangu mimi
   Nakusihi sana nipe mbawa zako, na mimi niruke
   Nifike mbinguni nikajiunge nanyi
3. Nyinyi mlioyashinda majaribu yake Mungu,
   Hapa duniani
   Twawasihi sana mkatuombee, na sisi tushinde
   Majaribu haya tukajiunge nanyi
4. Matendo yaliyo mema, maneno yale mazuri,
   Moyo wa mapendo
   Zitaniongoza siku zangu zote, za maisha yangu
   Hadi nije huko nikajiunge nanyi