Tutaipataje Amani

Waumini na mataifa yote na jumuiya zo-te
Kama chemi chemi mo-ja, na tutafakarini pamoja } *2

Tutaipataje amani kwa bunduki nayo mabomu
Tutaipataje amani kwa migogoro ya siasa
Oooh inasikitisha, tumuombe Mungu atupe hekima
Oooh enyi mataifa, tumuombe Mungu atupe amani

1. Mapanga hata marungu hayatasaidia, kupata amani
Ugomvi kwa majirani hautasaidia, kupata amani
Tuweke silaha chini tumuombe Mwenyezi, atupe hekima
Tukae chini na wenzetu tujadiliane, tupate amani ae

2. Makabila kupigana haitasaidia, kupata amani
Mataifa kupigana haitasaidia, kupata amani
Mzungu na Mwafrika sisi sote ni ndugu, tuombee amani
Afrika na Ulaya sisi wana wa Mungu, tuombee amani ae

3. Jumuiya mbalimbali tuungane pamoja, tuombee amani
Afrika Mashariki nayo isiwe nyuma, tuombee amani
Tanzania nayo Kenya sisi wana wa Mungu, tupendane sote
Dunia yote sisi sote ni wana wa Mungu, tupendane sote ae