← Songs

Tazameni Uwinguni

Tazameni Uwinguni
Performed bySt. Joseph Migori
AlbumSauti za Migori
CategoryMajilio (Advent)
ComposerAlfred Ossonga
Views5,170

Tazameni Uwinguni Lyrics

  1. Tazameni uwinguni, tazameni Mbinguni kwa Baba
    Anakuja mtawala anakuja Bwana wa majeshi
    Anakuja na hukumu zake na ujira wake mikononi
    Anakuja duniani kote atawale mataifa

    Yesu - ni Bwana wa mabwana,
    Ni Mungu wa miungu
    Mfalme Yesu, ni mfalme milele *2

  2. Tazameni uwinguni, tazameni mbinguni kwa Baba
    Anakuja mhubiri anakuja mtabiri wetu
    Anakuja na maneno yote ya kitabu chake mkononi
    Anakuja ayasome yote yatokaye kwake Mungu
  3. Tazameni uwinguni, tazameni mbinguni kwa Baba
    Anakuja daktari anakuja mwenye kutuponya
    Anakuja mwenye matibabu na madawa yake mikononi
    Anakuja awatibu wote wagonjwa wapate afya
  4. Tazameni uwinguni, tazameni mbinguni kwa Baba
    Anakuja mchungaji anakuja mwana wake Mungu
    Anakuja mchungaji mwema ana fimbo yake mkononi
    Anakuja na malisho mema kwa kondoo wake wote.
  5. Tazameni uwinguni, tazameni mbinguni kwa Baba
    Anakuja Mkombozi anakuja mwenye mamlaka
    Anakuja na uhuru wake na funguo zake mikononi
    Anakuja na kuwafungua wale wote walofungwa