Zungukazunguka

Mbinguni kwa Baba, kweli kuna raha,
Makerubi wote hata maserafi
Malaika wote na watakatifu,
Wako mbele za Mungu kila mtu na kazi yake
Waimbaji tutaimbaimba, tutaimba nyimbo za shangwe
Malaika watarukaruka, wataruka mbele za Mungu
Watu wote (kweli) watafurahi nyumbani mwa Bwana
Watacheza (wote) pamoja wakizungukazunguka
Tuimbe nyimbo nzuri kama makerubi,
Tuimbe kwa furaha kama maserafi
Na tuchezecheze kama watakatifu,
Tukirukaruka kama malaika wa Mungu
Wenye moyo safi na matendo mema,
Twendeni kwa Baba tupate dhawabu
Tumekaribishwa Mbinguni kwa Baba
Twendeni tuone, jinsi tulivyoandaliwa.
Sisi tunaimba nyimbo za Mbinguni,
Tena twatabiri yale ya Mbinguni
Yote yalopita kwa wenye hekima,
Tumefunuliwa, tutangaze kwa nyimbo hizi
Fanya utafiti na upeleleze,
Utafunuliwa siri za Mbinguni
Waloshinda vita, wateule wa Mungu
Wanatungojea kwenye raha ya siku zote