Hiki Kiza

1. Hiki kiza ni kiza kinene kimetanda ulimwenguni
Kimeyatikisa mataifa makabila mbalimbali
Familia hata majirani makabila hawaelewani
Ofisini hata makazini amani hakuna tena

Twalia twaomba amani (amani amani)
Twaomba amani twaomba amani, amani, amani
Watu wengi sasa wameangamia
Wazee watoto nao wateseka
Amani haipo tena duniani Bwana twaomba amani

2. Pande nyingi watu wamekufa sababu yake ni mizozano
Majirani hawaelewani sababu ya ukabila
Imekuwa sasa kawaida watoto kuwadharau wazazi
Kusema eti wazazi wao wamepitwa na wakati

3. Migogoro watu mbali mbali taifa na taifa lingine
Wanadamu sasa ni wakali hata kuliko wanyama
Msamaha tumeusahau amri za Mungu tumeziacha
Kila mtu ajiona yeye sasa tutakwenda wapi

4. Sikieni taifa la Mungu ujumbe huu twawapatia
Mambo haya tunayoyafanya siku moja tutalipa
Mwisho wetu utakapofika utajibu nini kwa Mungu
Atakapotuhukumu sisi kila mtu kadiri yake