Asante Mungu Wangu

Asante Mungu wangu asante,
moyo wangu wakusifu Aleluya.
Natamani rukaruka kama ndege,
kwa furaha nifike huko mbinguni
Natamani kuwika kama jogoo,
Kuonyesha furaha niliyonayo
Mungu wangu ni mkuu namtukuza,
hansinzii na halali sikieni
Ukilala yeye halali ni mlinzi wangu,
Na mchana sambasamba twatembea
Hunilisha huninywesha siku zote,
Mungu wangu wa ajabu asifiwe
Posho langu sitaona njaa kamwe,
Maji yangu sitaona kiu kamwe
Malaika juu mbinguni wanaimba,
wakisema hosanna atukuzwe
Wateule juu mbinguni wanaruka,
Wateule duniani tufanyeje