Upendo na Ukarimu

Watu wengi tunajaribu upendo
Tunawajali wale wanaotuhusu
Tunaojua wataweza kutulipa
Hatuwathamini wale wasiotuhusu
Wala wasiojiweza, lakini
{Leo tumejifunza wote,
upendo ni kitu gani (wapendwa)
Tena tumepewa mfano,
ukarimu una sifa gani (wapenzi) } * 2
Tunawakopesha wenye kipato kikubwa
Tukiamini nao watatukopesha
Wakitujia wenye shida na fukara
Tunawakimbia eti hawakopesheki
Na wana madeni mengi, lakini
Wakiugua wenye nafasi za juu
Tunajazana kwao na vichupachupa
Tukiamini na sisi tukiugua
Watalundikana kwetu na vifuko fuko
Kadi na michango mingi, lakini
Tukitembelewa na mtu mwenye viraka
Tunauliza kama tulimualika
Akija aliyeshuka kwenye shangingi
Tunamwuliza kinywaji anachokunywa
Tena kwa unyenyekevu lakini