Wendo wa Ngai

Wendo wa Ngai, ni munene na wi vinya
Niwanumisye, kivinduni kinene
Yila ndai ndonya, kumwikaila Ngai wakwa
Niwambiw'ie tei na andekea
Umunthi-andu aingi matinamba kumumanya
[Yeova]-Ngai wa Itu na nthi
Etikili, Voyai muteukoma
Na Ngai akamusungia mboya syenyu
Umunthi andu, ala me kivinduni
Ningumutavya mena wasyo munene
Tumavoyee, mamwitikile Yesu
Mwana wa Ngai, Mwovosya wa andu onthe
Syindu sya nthi, syina useo wasyo
Nundu syumaa, iulu kwa Ngai wakwa
Ndukasumbikwe, ni syindu sya vaa nthi
Syindu ii sya nthi, syonthe ikathela
Useo ula, nyie mwene nonete
Kuma yila, walikile ngooni yakwa
Ni mwingi muno, ona nduweteka
Kumanya Yesu, nimutavya kwi muyo
Niwukite, Mwiai Yesu na mituki
Yesu oka, akosa ala make
Ame mbaitu, nimwiyumbanitye
Kuthi Ituni kwikala tene w'on the