Mpenzi wa Yesu

Mpenzi wa Yesu tusaidie ,
Mama Theresia tusimamie *2
Ewe Theresia Mtakatifu
Twakujia wewe mwaminifu
Jionyeshe kwetu sisi wanao
Tusaidie kwa neema za Mungu
Ewe Theresia duniani humu,
Umeishi kwa unyenyekevu
Tufanyayo twayatolea kwako
Yakoleze yawe kama yako
Uliteseka mateso mengi sana
Kwa ajili ya Yesu mpenzio
Tusaidie kukubali mateso
Tuwe nasi wapenzi wa Yesu
Ulitumwa kuwafundisha watu
Njia Ndogo kumwendea Yesu
Nasi utufundishe Njia yako
Tuzifuase fadhila zako
Mama Theresia mataifa yote
Wewe Mlinzi Msimamizi
Fukuza giza lote mioyoni
Tunyeshee yako mawaridi
Theresia mwema tusaidie ,
Saa ya kufa kwetu ikiwadia ,
Ili nasi tuseme kama wewe ,
Ee mungu wangu ninakupenda